الشتاوات

 

يالبنات سباب غرامه ................. شخصيته واسلوب كلامه
قالي لا تبكي لا تحيري............. مستحيل يزفك غيري
قتله لا تبكي لا تحير ................انت الاول والاخير
ميت موت عليك مرايف..........نبي نجيك ولكن خايف
حتى كان قصير طوله ............يمشي في مشية معدولة
ياخالق للروح انفسها.............ماتغيب ع العين ونسها
لانسحر لاندير كتيبه ..............اللي انحطه في راسي اجيبه
لانسحر لا ندير كتايب ..............هو بروحه فيا دايب
داير روحه مش معدل ............كل عشيه يجيني مبدل
مانحساب كلامه ليا ..............يعاود فيه لكل بنيه
كل الناس اللي لاموني ..........وين شافو عيونه غدروني
دز كروته يقهر فيا ...............قتلته بفاتحتي المقريه
حتى كان بنات مدارس .............عدادات عيون الفارس
تعال اخطب ياولد الجار ............بلا غمزات ولفت انظار
مجروحه جرحي قواني..............من نظرات وليد جيراني
وليد العم ضباطه وخفه ............لكن ما يحلم بالزفه
حتى لو حفرولي قبري.............ماناخد واحد يقربلي
اللي رافع خشمه ع الكل................معايا لا يربط لا يحل
مريضه مانبيش حبوب .................مريضه نبي هالشبوب
لانفرح لانقول الفرحه .................لين الغالي يشيل الطرحه
جعنى مانقعد فى اوهامه ................ سواق السودة الحوامه
غالى كيف السيف شرفنا ............. عند الناس هلى تعرفنا
مانحساب الخونه منه .............. دون الناس اندافع عنه
عصارة ربت باشوات ..............علم ودروجه مرفوعات
عصارة مانمشوا لحد ............. الصوب يهد عينا هد
جعنك يابيت الخوان.............. خرابه مسكن للفئران
دعاية عالخوان ثلاثة .............حادث وفضيحة وشماته
من الياسات ملدع كلى ..........ويش نداوي ويش نخلي
عيافات الميه المصردن ..............للى ماو علم مايردن
قولوا لشاقي يرتاح .............العين خدوها ناس ملاح
هلى كيف الشيك كلامه........... جعنى مانقعد فى اوهامه
والع ياكانون اولافي............ مسيتك نحسابك طافي
ردنا يالانظار عطاشه.......... بير غلاكن فيه احناشه
كل مانقول جديد نجرب ..............تخطر يالقديم تخرب
نحنا السمر غلانا زايد............. يجبد كيف الستلايت
طير غلاي هلى راجيته............. ميت فى الدحية تاريته

شتــــــــاوات هجاء

عزيز حفرلى حفرة سو ------   استا قضت احصل فيها هو

جعنك يابيت الخوان.............. خرابه مسكن للفئران

دعاية عالخوان ثلاثة .............حادث وفضيحة وشماته

الشتــــــاوات

غناوي علم

مسجات شعرية باللهجة الليبي